احكام رمضان

ماهِ رمضان

 رمضان المبارك كي سب سے بڑي فضيلت يه هے كه اس ميں قرآن مجيد نازل هوا۔(البقره:185)

 رمضان كي آمد پر جنت كے دروازے كھول ديے جاتے هيں اور جهنم كے دروازے بند كر ديے جاتے هيں اور شياطين كو زنجيروں ميں جكڑ ديا جاتاهے۔

(صحيح بخاري:كتاب الصوم30، باب5،حديث1899)

 آپﷺ رمضان ميں تيز آندھي كي طرح خرچ كرتے تھے۔

(صحيح بخاري:كتاب الصوم30،باب7،حديث1902)

 رمضان كے بعد آپﷺ سب سے زياده روزے شعبان ميں ركھتے تھے۔

(صحيح مسلم:كتاب الصيام13،باب34)

 رمضان سے ايك دو روز قبل استقبال رمضان كے روزے ركھنا ممنوع هے الا كه كوئي پهلے تسلسل سے روزے ركھتا هو۔

(صحيح مسلم:كتاب الصيام13، باب3، حديث1082)

روزه

 روزه هر مسلمان پر فرض هے۔(البقره:183)

 روزه اسلام كے بنيادي اركان ميں سے ايك اهم ركن هے۔

(صحيح بخاري:كتاب الايمان2،باب2،حديث8)

 بغير كسي شرعي عذر كے روزه چھوڑنا كبيره گناه(گناهِ عظيم)هے۔

(مجموع فتاويٰ ابن باز:كتاب الصيام،ج15، ص331)

 مريض اور مسافر كے ليے رخصت هے كه وه بعد ميں روزے كي قضا ديں۔(البقره:184)

 حيض ونفاس كا خون آنے سے روزه ٹوٹ جائے گا۔بعد ميں قضا دي جائے۔

(صحيح مسلم:كتاب3الحيض،باب15، حديث335)

 نابالغ بچوں پر روزه فرض نهيں مگر انهيں عادت ڈالنے كے ليے روزے ركھوانے چاهيں، صحابه كرام رضوان الله عليهم اجمعين اپنے بچوں كو روزے ركھوايا كرتے تھے۔(صحيح بخاري: كتاب الصوم30،باب47، حديث1960)

 اگر كسي پر روزے فرض هو ں اور وه شخص فوت هو جائے تو ورثاء اس كي طرف سے روزے ركھيں۔ (صحيح مسلم: كتاب13 الصيام،باب27،حديث1147)

 رمضان كے بعد شوال كے مهينے ميں چھ روزے ركھنا ايك سال كے روزوں كا ثواب هے۔ (صحيح مسلم:كتاب الصيام13، باب39،حديث1164)

 هر مهينے تين روزے ركھنا آپﷺ كي سنت مباركه هے۔

(صحيح مسلم:كتاب الصيام13،باب36، حديث1160)

 عيدين(عيد الفطر،عيد الاضحي)كے دن روزه ركھنا جائز نهيں۔

(صحيح مسلم:كتاب الصيام13،باب22، حديث1137)

 صرف جمعه كا روزه ركھنا ممنوع هے۔

(صحيح مسلم:كتاب الصيام13،باب24،حديث1143)

 جمعه كي رات(جمعرات كے بعد اور جمعه سے پهلے آنے والي رات)كو قيام كے ليے مخصوص كرنا جائز نهيں۔ (صحيح مسلم:كتاب الصيام13،باب24،حديث1144)

فضيلت روزه

 جس نے بحالتِ ايماني اور ثواب كي نيت سے رمضان كے روزے ركھے اس كے سابقه گناه معاف كر ديے جاتے هيں۔

(صحيح بخاري:كتاب الصوم 30،باب6،حديث1901)

 روزے دار قيامت كےدن باب الريان سے داخل هو كر جنت ميں داخل هوں گے۔(صحيح بخاري:كتاب الصوم30، باب4الريان للصائمين،حديث1896)

 روزے دار كے منه سے آنے والي بو الله كے نزديك كستوري سے زياده خوشبودار هے۔(صحيح بخاري:كتاب الايمان2، باب2،حديث8)

 فرمانِ الٰهي :روزه ميرے ليے هے اور اس كي جزا ميں خود عطا كروں گا۔(صحيح بخاري:كتاب التوحيد97،باب50،حديث7538)

روزے دار كے ليے دو خوشياں هيں،ايك روزه افطار كرتے وقت اور دوسرا جب وه اپنے رب سے ملے گا۔(صحيح بخاري: كتاب الايمان2،باب2،حديث8)

 ايك روزه ركھنے سے الله انسان كے چهرے كو جهنم سے ستر سال كي مسافت تك دوركر ديتاهے۔(صحيح مسلم:كتاب الصيام13، باب31،حديث1153)

سحري وافطار

 فرض روزے كي نيت فجر سے پهلے كرنا لازم هے البته نيت كے كوئي خاص الفاظ آپ ﷺ سے ثابت نهيں۔(ابي داؤد:كتاب الصوم14،باب72،حديث2456)

 سحري كي كوئي خاص دعا آپﷺ سے منقول نهيں ، بسم الله پڑھ كر سحري كھائيں۔

 سحري كھانے ميں بركت هے۔(صحيح بخاري:كتاب الصوم 30،باب20،حديث1923)

 اهل كتاب(يهود ونصاريٰ)اور مسلمانوں كے روزوں ميں سحري كا فرق هے۔

(صحيح مسلم:كتاب الصيام13،باب9، حديث1096)

 حالت جنابت ميں سحري كھائي جاسكتي هے۔ بعدازاں غسل كر كے نماز ادا كي جائي۔

(صحيح مسلم:كتاب الصيام13، باب13،حديث1109)

 سورج غروب هوتے هي روزه افطار كر لينا چاهيے۔

(صحيح مسلم:كتا ب الصيام13،باب10،حديث1100)

 لوگ جب تك جلد افطار كريں گے بھلائي پر رهيں گے۔

(صحيح مسلم:كتاب الصيام13،باب9،حديث1098)

 جو شخص كسي كا روزه افطار كروائے گا تو افطار كروانے والے كو بھي اتنا هي اجر ملے گا جتنا روزه ركھنے والے كو ملا اورروزے دار كے اجر ميں بھي كمي نهيں كي جائے گي۔

سنن ترمذي:كتاب الصوم4،باب82،حديث812))

 بسم الله پڑھ كر روزه افطار كريں ۔اور بعد ميں يه دعا پڑھيں۔

ذَهَبَ الظَّمَأُ وَابْتَلَّتِ الْعُرُوۡقُ وَثَبَتَ الأَجْرُ إِنْ شَاءَ اللّٰهُ

(سنن ابي داؤد:كتاب الصوم14،باب22،حديث2359)

روزے كے احكام

 جو شخص روزه ركھ كر جھوٹ اور برے كاموں سے باز نه آئے الله كو اس كے بھوكے اور پياسے رهنے كي كوئي ضرورت نهيں۔(صحيح بخاري:كتاب الصو30،باب8، حديث1903)

 كئي روزے دار ايسے هيں جن كو سوائے بھوك اور پياس كے كچھ حاصل نهيں هوتا۔(سنن ابن ماجه:كتاب الصيام7،باب21،حديث1690)

 روزے دار لڑائي جھگڑے اور گالي گلوچ سے پرهيز كرےاور اگر دوسرا لڑائي ميں پهل كرے تو اسے چاهيے كه كهه دے ’’ميں روزے سے هوں‘‘۔

(صحيح بخاري:كتاب الايمان2،باب2،حديث8)

 بھول كر كھانے پينے سے روزه نهيں ٹوٹتا۔

(صحيح بخاري:كتاب الصوم30، باب26، حديث1933)

 غير غذائي ٹيكے(انجيكشن ) سے روزه نهيں ٹوٹتا۔البته جس ٹيكےكا تعلق معدے سے هو اس كا استعمال بحالت روزه ممنوع هے۔

( مجموع فتاوى ورسائل محمد بن صالح العثيمين: كتاب الصيام،ج19ص213)

 روزے كي حالت ميں بيوي سے بوس وكنار جائز هے البته جماع كرنا جائز نهيں۔

(صحيح بخاري:كتاب الصوم30، باب24،حديث1928)

 رمضان كي راتوں ميں مياں بيوي مجامعت كر سكتے هيں۔(البقره:187)

قيام الليل (تراويح)

 جس نے رمضان كي راتوں كو بحالتِ ايمان اور ثواب كي نيت سے قيام كيا اس كے سابقه گناه معاف كر ديے جاتے هيں۔

(صحيح بخاري:كتاب صلاة التراويح31، باب1، حديث2008)

 رمضان اور غير رمضان آپﷺ كي رات كي عبادت گياره ركعات (تين وتر ، آٹھ تراويح)هوتي تھي۔(صحيح بخاري:كتاب صلاة التراويح31،باب1،حديث2013)

 تراويح كي مسنون تعداد آٹھ هي هے البته نفلي عبادت هونے كي وجه اسےاپني طاقت ، همت اور شوق سے زياده بھي پڑھي جاسكتي هيں۔ليكن كوئي تعداد مخصوص كرلينا جائز نهيں۔

ٍنمازِ تراويح اور حنفي علماء

درج ذيل حنفي علماء بھي مسنون تراويح كي تعداد آٹھ بيان كرتے هيں۔

1) علامه ابن همام حنفيؒ

(فتح القدير شرح الھدايه:باب النوافل،فصل قيام في شھر رمضان:ج1،ص468)

2) زين الدين بن إبراهيم حنفيؒ

(بحر الرائق شرح كنز الدقائق:باب الوتر والنوافل،صلاة التراويح:ج2،ص72)

3) مولانا انور شاه كشميري حنفيؒ(عرف الشذي مع ترمذي)

4) امام طحاوي حنفيؒ(د رالمختار:ج1ص495)

5) ابن عابدين حنفيؒ(فتاويٰ شامي:ج2ص45)

6) ملا علي قاري حنفيؒ(مرقاة المفاتيح:ج3ص194)

7) نواب قطب الدين حنفيؒ(مظاهرحق:ج1ص421)

8) عبدالحق محدث دهلوي حنفيؒ(ماثبت به السنة:ص220)

9) علامه عيني حنفيؒ(عمدة القاري:ج5ص357)

10) حسن بن عمارحنفيؒ

( مراقي الفلاح شرح متن نور الإيضاح:باب في النوافل،صلاة التراويح،ج1ص157)

اعتكاف اور ليلة القدر

 آپﷺ رمضان كا آخري عشره(آخري دس دن)اعتكاف فرماتے تھے۔

(صحيح بخاري:كتاب الاعتكاف33، باب1،حديث2026)

 ايك دن كا اعتكاف بھي جائز هے۔

(صحيح بخاري:كتاب الاعتكاف33،باب الاعتكاف ليلا5، حديث2032)

 اعتكاف صرف جامع مسجدميں هوتا هے۔(ترمذي:كتاب الصوم14،باب81،حديث 2475)

 عورتوں كا گھر ميں اعتكاف كسي حديث سے ثابت نهيں بلكه حالات ساز گار هوں تو عورتيں بھي مسجد ميں هي اعتكاف كريں۔

(صحيح بخاري:كتاب الاعتكاف33،باب6 باب اعتكاف النساء ،حديث 2033)

 حالت اعتكاف ميں كسي شرعي عذر كے تحت گھر جانا جائز هے۔

(صحيح بخاري:كتاب الاعتكاف33،باب3، حديث 2029)

 معتكف كے ليے يه كام ممنوع هيں۔

 مريض كي عيادت كرنا

 جنازه پڑھنا

 مباشرت كرنا (ترمذي:كتاب الصوم14،باب814،حديث2475)

 جس نے ليلة القدر كا قيام حالتِ ايمان او رثواب كي نيت سے كيا اس كے سابقه گناه معاف كر ديے جاتے هيں۔ (صحيح بخاري:كتاب الصوم 30،باب6،حديث1901)

 ليلة القدر ايك هزار مهينوں سے بهتر هے۔(القدر:2)

 ليلة القدركو رمضان كے آخري دس دن دنوں كي طاق راتوں(21ويں، 23ويں، 25ويں، 27ويں، 27ويں، 29ويں) ميں تلاش كرنا چاهيے۔

(صحيح بخاري:كتاب فضل ليلة القدر32،باب3،حديث2017)

 ايك رات ميں سارا قرآن مجيدپڑھ دينا جائز نهيں كيونكه ايك حديث كے مطابق كم از كم سات اور دوسري روايت كے مطابق كم ازكم تين دنوں ميں ختم كرنا چاهيے۔ (صحيح بخاري: كتاب66فضائل القرآن،باب34، حديث5054، سنن ترمذي: كتاب 42القرات، باب13، حديث3202)

 ليلة القدر كي دعا:

اللهم انك عفو تحب العفو فاعف عني

صدقة الفطر(فطرانه)

 آدمي جو خوراك كھاتا هے گندم چاول وغيره اس ميں سے ايك مخصوص حصه نمازِ عيدسے قبل صدقه كرنا صدقة الفطر كهلاتاهے۔

 صدقة الفطر عيد كي نماز ادا كرنے سے قبل ادا كرنا واجب هے۔

(صحيح بخاري:كتاب الزكاة24،باب فرض صدقة الفطر70،حديث1503)

 صدقة الفطر گھر كے هر فرد كي طرف سے ادا كيا جائے۔

(صحيح بخاري:كتاب الزكاة24،باب فرض صدقة الفطر70،حديث1503)

 صدقة الفطرکی مقدار ايك صاع هے۔

(صحيح بخاري:كتاب الزكاة24،باب فرض صدقة الفطر70،حديث1503)

 ايك صاع موجوده پيمانے كے مطابق 2040گرام (دو كلو 40گرام) هے۔ (مجموع فتاوى ورسائل محمد بن صالح العثيمين:كتاب الزكاة ،باب زكاة الفطر، ج18، ص277)

عيدين

 عيد كے دن غسل كرنا مستحب هے۔

(سنن الكبريٰ للبيهقي:كتاب صلاة العيدين6باب الغسل العيدين1، اثر6124)

 عيد الفطر كي نماز سے قبل طاق كھجوريں كھا كر جانا سنت هے۔

(صحيح بخاري:كتاب العيدين 13، باب4،حديث953)

 اگر عيد جمعه كے دن هو تو عيد كي نماز پڑھنے كے بعد اختيار هے كه جمعه پڑھ ليں يا پھر نمازِ ظهر۔(سنن ابي داؤد:كتاب الصلاة2،باب219،حديث1072)

 عيد گاه سے واپسي پر راستا بدل كر آنا سنت هے۔

(صحيح بخاري:كتاب العيدين 13، باب24،حديث986)

 حائضه عورتوں كو بھي عيدگاه جا كر مسلمانوں كي دعا ميں شريك هونا چاهيے البته نماز نه پڑھيں۔ (صحيح بخاري:كتاب الحيض6،باب23،حديث324)

 عيدين ميں پهلے نماز هے اور خطبه بعد ميں۔

(صحيح بخاري:كتاب العيدين13،باب7،حديث957)

 عيد كا خطبه منبر پر نه پڑھيں۔(صحيح بخاري:كتاب العيدين13،باب6حديث956)

 عيدين كي اقامت هے نه اذان۔(بخاري:كتاب العيدين 13، باب7،حديث960)

 عيدين كي نماز سے پهلے اور بعد ميں كوئي نوافل وغيره نهيں هيں۔

(بخاري:كتاب العيدين 13، باب26،حديث989)

 عيدين كي نماز كي پهلي ركعت ميں تكبيرِ تحريمه كے علاوه سات زائد تكبيرات هيں جبكه دوسري ركعت ميں كھڑے هو كر پانچ اضافي تكبيرات كهيں جائيں۔

(سنن ابي داؤد:كتاب الصلاة2،باب253،حديث1151)

 عيدين كي نماز كي پهلي ركعت ميں سورت ق اور دوسري ركعت ميں سورت القمرتلاوت كرنا مسنون هے۔ (صحيح مسلم:كتاب صلاة العيدين8،باب3،حديث891)