ماحول کا بہانہ یا نفس کی کمزوری۔؟

ذی وقار سامعین!

اللہ تعالیٰ نے اس دنیا کو انسان کے لیے ایک آزمائش گاہ بنایا اور اِسے مختلف حالات و ماحول دیے۔ انسان اپنے ماحول سے متاثر ہوتا ہے اور اسی کے مطابق اپنی شخصیت اور اعمال تشکیل دیتا ہے۔ قرآن مجید اور احادیث مبارکہ میں ماحول کی اہمیت کو بار بار اجاگر کیا گیا ہے تاکہ انسان اس پہلو کو سمجھ کر اپنی زندگی میں نیکی کو فروغ دے اور برائی سے بچے۔ اللہ تعالیٰ نے قرآن مجید میں انسان کو اچھے ماحول اور اچھی صحبت اختیار کرنے کی تعلیم دی ہے۔ اللہ تعالیٰ فرماتے ہیں:

یہ آیت ہمیں نصیحت کرتی ہے کہ ایسے لوگوں کے ساتھ رہنا چاہیے جو نیک ہوں اور اللہ کی یاد میں مشغول رہتے ہوں، کیونکہ ان کی صحبت سے ایمان میں اضافہ ہوتا ہے اور گناہوں سے بچنے کا موقع ملتا ہے ، جب اللہ تعالی نے حکم دیا کہ ابراہیم اپنی بیوی کو اور اپنے بیٹے کو بیت اللہ کے پاس جنگل بیابان میں چھوڑ دو تو سیدنا ابراہیم   نے اللہ کے حکم کی تعمیل کی اور وہاں چھوڑ دیا اور اس کا مقصد یہ بیان کیا ؛

اولاد کے لئے اچھے ماحول کا انتخاب کیا کہ یہاں رہیں تاکہ نماز ادا کریں۔ نبی کریم ﷺ نے بھی ماحول کے اثرات پر زور دیا ہے۔ آپ ﷺ نے فرمایا: مَثَلُ الْجَلِيسِ الصَّالِحِ وَالْجَلِيسِ السَّوْءِ كَمَثَلِ صَاحِبِ الْمِسْكِ وَكِيرِ الْحَدَّادِ لَا يَعْدَمُكَ مِنْ صَاحِبِ الْمِسْكِ إِمَّا تَشْتَرِيهِ أَوْ تَجِدُ رِيحَهُ وَكِيرُ الْحَدَّادِ يُحْرِقُ بَدَنَكَ أَوْ ثَوْبَكَ أَوْ تَجِدُ مِنْهُ رِيحًا خَبِيثَةً

یہ حدیث ہمیں اچھے اور برے ماحول کے اثرات کو سمجھنے میں مدد دیتی ہے اور یہ سکھاتی ہے کہ انسان کے دوست اور ارد گرد کا ماحول اس کی شخصیت اور کردار پر براہ راست اثر ڈالتے ہیں۔ ایک اور حدیث میں آپ ﷺ نے فرمایا:

یہ نصیحت اس بات کو واضح کرتی ہے کہ ایک مومن کو ہمیشہ نیک اور صالح لوگوں کی صحبت اختیار کرنی چاہیے تاکہ اس کے اعمال بھی نیکی کے راستے پر گامزن رہیں ، نیک اور صالح لوگوں کی بیٹھک اور ماحول بڑے سے بڑے گنہگار کو سدھار دیتا  ہے ، بلکہ انسان صرف اچھے ماحول کا قصد اور ارادہ ہی کرلے تو  اللہ اس کے لئے جنتوں کے دروازے کھول دیتا ہے ، بنی اسرائیل کا وہ شخص جو سو بندوں کا قاتل تھا ، نیک ماحول تلاش کرنے کے لئے نکلا ، راستے میں وفات ہوئی ، ابھی نیک ماحول میں پہنچا نہیں تھا ، بلکہ صرف اس کا قصد اور ارادہ کیا تھا ، اللہ تعالیٰ نے اسے بخش دیا اور جنت کا داخلہ دے دیا۔ ] تفصیل کے لئے دیکھئےصحیح بخاری: 3407[ آج کے خطبہ جمعہ میں ہم ، سب سے پہلے اس بات کو سمجھیں گے کہ انسان پر ماحول کا اثر ہوتا ہے اور وہ ماحول کا اثر قبول کرتا ہے ، اس کے بعد یہ بات سمجھیں گے کہ برے ماحول میں جا کر برے بن نہیں بن جانا ، بلکہ ماحول کو ٹھیک کرنا ہے۔

ماحول کا انسان پر اثر

اللہ تعالیٰ نے انسان کو ایک خاص فطرت پر پیدا کیا ہے اور اسے اچھائی اور برائی کا شعور عطا کیا ہے۔ انسان اپنے ارد گرد کے ماحول سے متاثر ہوتا ہے، چاہے وہ اثر اچھائی کی طرف لے جانے والا ہو یا برائی کی طرف۔ اس کی چند مثالیں پیشِ خدمت ہیں:

❄  سیدنا انس کہتے ہیں:

یہ یہودی لڑکا اچھے ماحول میں رہتا تھا ، اچھے ماحول میں رہنے کا فائدہ یہ ہوا کہ کلمہ نصیب ہو گیا اور اللہ کی جنتوں کا مہمان بن گیا۔

❄سیدنا ثمامہ بن اثال کو گرفتار کیا گیا ، مسجدِ نبوی کے ستون سے باندھا گیا ، تین دن تک وہ عظیم ترین ماحول میں رہے ، اسلام کے اور نبی مکرمﷺکے شدید مخالف ہونے کے باوجود اس عظیم ماحول نے ان کو اسلام لانے پر مجبور کردیا ، وہ کلمہ پڑھتے ہیں اور کہتے ہیں:

ماحول کا بہانہ یا نفس کی کمزوری۔۔۔؟

اللہ تعالیٰ نے انسان کو اشرف المخلوقات بنایا اور اسے عقل، اختیار اور ارادہ عطا کیا تاکہ وہ نیکی اور بدی کے درمیان تمیز کر سکے۔ اللہ تعالیٰ نے دنیا کو امتحان کی جگہ بنایا، جہاں انسان کو مختلف آزمائشوں اور چیلنجز کا سامنا کرنا پڑتا ہے۔ ان چیلنجز میں سے ایک بڑا چیلنج برے ماحول کا اثر ہے۔   ہم اکثر سنتے ہیں کہ لوگ اپنے گناہوں یا غلطیوں کا ذمہ دار ماحول کو ٹھہراتے ہیں اور یہ عذر پیش کرتے ہیں کہ ”کیا کریں، ماحول ہی ایسا ہے!“ لیکن یہ سوال پیدا ہوتا ہے کہ کیا واقعی برے اعمال کا ذمہ دار صرف ماحول ہے؟ یا اس کے پیچھے انسان کا اپنا نفس بھی شامل ہے؟   قرآن مجید میں اللہ تعالیٰ نے انسان کی تخلیق اور اس کی فطرت کے بارے میں فرمایا:

اور ساتھ ہی یہ بھی فرمایا:

ایک اور مقام پہ فرمایا:

اس سے ظاہر ہوتا ہے کہ انسان کو نیکی اور بدی کا شعور دیا گیا ہے اور وہ اپنے اعمال کے لیے خود ذمہ دار ہے۔   برے ماحول کا اثر انسان پر ضرور پڑتا ہے، لیکن یہ اثر اس وقت غالب ہوتا ہے جب انسان خود اپنے نفس کی کمزوری کا شکار ہو جاتا ہے۔ ماحول محض ایک آزمائش ہے، اصل امتحان یہ ہے کہ انسان اس آزمائش میں کیسے ثابت قدم رہتا ہے۔  اسلام ہمیں سکھاتا ہے کہ انسان کو اپنے نفس پر قابو پانا اور اللہ کے احکامات پر عمل کرنا ہے، چاہے ماحول کتنا ہی خراب کیوں نہ ہو۔ قرآن میں اللہ تعالیٰ نے فرمایا:

یہ آیت واضح کرتی ہے کہ انسان کے اعمال میں نفس کا بہت بڑا کردار ہے اور برے اعمال کو صرف ماحول پر ڈالنا درست نہیں۔ اب ہم ان چند لوگوں کا تذکرہ کریں گے ، جو برے ماحول میں بھی نیکی پر قائم رہے ، جن کی زندگیاں ہمیں یہ پیغام دیتی ہیں کہ لکیر کے فقیر نہیں بننا ، بلکہ اپنی لکیر کھینچنی ہے۔

اہلِ ایمان:

اللہ تعالیٰ نے قرآن کے کئی مقامات پر یہ بات بیان کی ہے کہ سچے مومن اورمسلمان برے ماحول کا حصہ نہیں بنتے ، اللہ تعالیٰ عبادلرحمٰن کی صفات بیان کرتے ہوئے فرماتے ہیں:

ایک اور مقام پہ فرمایا:

اللہ تعالیٰ نے حکم دیا ہے کہ برے ماحول میں جانا ہی نہیں ، برے لوگوں کے ساتھ بیٹھنا ہی نہیں، اللہ تعالیٰ فرماتے ہیں:

دوسری جگہ فرمایا:

حضرت نوح :

ساڑھے نو سو سال کا ایک لمبا عرصہ حضرت نوح نے اپنی قوم کو تبلیغ کی ، ان کو ہر طریقے سے دعوت دی ، خود نوح فرماتے ہیں:

سیدنا نوح  اتنے برے اور شرک والے ماحول میں رہے ، ان کو مسلسل دعوت رہے ، وہ نہیں مانے ، پھر بھی نوح   نے ان کے ماحول کا اثر قبول نہیں کیا ، بلکہ توحید پر کاربند رہے اور اس پر ڈٹے رہے۔

حضرت ابراہیم :

حضرت ابراہیم نے جس گھر میں آنکھ کھولی ، اس گھر میں بت بنائے جاتے تھے ، ان کا والد آزار بت فروش تھا ، اللہ تعالیٰ فرماتے ہیں:

پتہ چلا کہ بت فروشی گھر میں ہوتی ہے ،  اس ماحول کے اثر کو قبول نہیں کیا ، بلکہ اس ماحول کے خلاف اٹھ کھڑے ہوئے ، باپ کو ہی س سے پہلے تبلیغ کی ، قرآن کہتا ہے:

حضرت یوسف :

قرآن مجید میں سورۃ یوسف میں بیان کیا گیا کہ جب عزیز مصر کی بیوی نے یوسف   کو اپنی طرف مائل کرنے کی کوشش کی تو وہ اپنی پاکیزگی اور اللہ کے خوف کی بنا پر اس گناہ سے بچ گئے۔ اللہ تعالیٰ فرماتے ہیں:

ان آیت میں یہ بتایا گیا ہے کہ اگرچہ ماحول اور حالات گناہ کی طرف مائل کرنے والے تھے، لیکن یوسف    نے فرمایا:

فضیلۃ الشیخ عبدالسلام بھٹوی﷫ سورہ یوسف کی آیت نمبر23 کے تحت لکھتے ہیں:

”اہل علم فرماتے ہیں کہ اس وقت یوسف  کو گناہ پر آمادہ کرنے والی ہر چیز موجود تھی اور روکنے والی دنیا کی کوئی چیز نہ تھی۔ یوسف   کی صحت، جوانی، قوت، خلوت، فریق ثانی کا حسن، پیش کش، اس پر اصرار، غرض ہر چیز ہی بہکا دینے والی تھی، جب کہ انسان کو روکنے والی چیز اس کی اپنی جسمانی یا جنسی کمزوری ہو سکتی ہے، یا فریق ثانی کے حسن کی کمی، یا اس کی طرف سے انکار یا مزاحمت کا امکان یا راز فاش ہونے کا خطرہ یا اپنے خاندان، قوم اور لوگوں میں رسوائی کا خوف، ان میں سے کوئی چیز ان کی راہ میں رکاوٹ نہیں تھی۔ اٹھتی جوانی تھی، بے مثال حسن تھا، دروازے بند تھے، دوسری طرف سے پیش کش بلکہ درخواست اور اس پر اصرار تھا، اپنے وطن سے دور تھے کہ قبیلے یا قوم میں رسوائی کا ڈر ہو۔ یہاں کتنے ہی لوگ باہر کے ملکوں میں جاتے ہیں تو اپنوں سے دور ہونے کی وجہ سے بہک جاتے ہیں، پھر دروازے خوب بند تھے، راز فاش ہونے کی کوئی صورت ہی نہ تھی اور جب مالکہ خود کہہ رہی ہو تو سزا کا کیا خوف؟“

حضرت آسیہ :

حضرت آسیہ  ، فرعون کی بیوی، ایک عظیم اور نیک خاتون تھیں جنہوں نے بدترین ماحول میں اپنی پاکیزگی اور ایمان کو برقرار رکھا۔ قرآن مجید میں ان کی مثال مردوں اور عورتوں دونوں کے لیے دی گئی ہے۔ اللہ تعالیٰ سورۃ التحریم میں فرماتے ہیں:

حضرت آسیہ  نے کتنے بُرے ماحول میں رہتے ہوئے خود کو نیک بنایا اور  اللہ کی جنتوں کی مہمان بن گئیں۔

حضرت محمد کریمﷺ:

نبی اکرم ﷺ کی بعثت سے قبل مکہ کا معاشرہ شرک کی تاریکی میں ڈوبا ہوا تھا۔ لوگ بتوں کو اپنے معبود مانتے تھے اور ان کے سامنے جھکتے تھے۔ کعبہ میں تین سو ساٹھ بت رکھے گئے تھے، جنہیں مقدس سمجھا جاتا تھا۔ لات، منات، عزیٰ اور ہبل جیسے بڑے بتوں کی پوجا عام تھی۔ مکہ کے لوگ نہ صرف ان بتوں کی عبادت کرتے تھے بلکہ ان کے لیے جانوروں کی قربانی بھی کرتے تھے۔ قبائل کے اپنے اپنے مخصوص بت تھے، جنہیں وہ اپنا محافظ تصور کرتے تھے۔ شرک کے ساتھ ساتھ بدعات اور جاہلانہ رسومات بھی عام تھیں۔ توہم پرستی اور نجومیوں پر یقین زندگی کا حصہ تھا۔ قبائل کے لوگ اپنے بتوں سے مدد مانگتے اور مشکلات میں ان سے رجوع کرتے تھے۔ معاشرہ روحانی طور پر تباہ حالی کا شکار تھا، اور توحید کا تصور تقریباً ختم ہوچکا تھا۔ ان حالات میں جبنبی مکرمﷺنے مکہ میں توحید و رسالت کا اعلان کیا ، اپنے پرائے سب مخالف ہو گئے ، ان سب کے باوجود آقا نے مکہ کے ماحول کا اثر قبول نہیں کیا ، بلکہ اس راستے میں آنے والی ہر رکاوٹ کو دور کیا ہے ، مفسر قرآن مولانا عبدالرحمٰن کیلانی﷫اپنی تفسیر میں لکھتے ہیں:

”کفار مکہ نے جب دیکھا کہ ان کی مقدور بھر کوششوں کے باوجود اسلام پھیلتا ہی جارہا ہے۔ تو انہوں نے کئی بار آپ سے باہمی سمجھوتہ کی کوششیں کیں۔ ایک دفعہ یہ پیش کش کی اگر آپ ہمارے بتوں سے متعلقہ آیات پڑھنا چھوڑ دیں تو ہم آپ کے مطیع بننے کو تیار ہیں۔ لیکن آپ ان کی یہ بات کیسے مان سکتے تھے؟ اور ایک دفعہ یہ پیشکش کی کہ اگر آپ حکومت چاہتے ہیں تو ہم آپ کو اپنا حاکم بنانے پر تیار ہیں۔ اگر مال و دولت چاہتے ہیں تو تمہارے قدموں میں مال و دولت کے ڈھیر لگا دیتے ہیں اور اگر آپ کو کسی عورت سے محبت ہے تو ہم اس سے آپ کی شادی کردیں گے بشرطیکہ آپ جو دعوت پیش کر رہے ہیں اس سے باز آجائیں۔ گویا ان کے خیال کے مطابق ایک عام انسان کا منتہائے مقصود یہی تین چیزیں ہوسکتی ہیں۔ جو انہوں نے پیش کردیں۔ اور یہ پیش کش آپ کے ہمدرد و غمخوار اور سرپرست چچا ابو طالب کی موجودگی میں کی گئی۔ چونکہ سب سرداران قریش مل کر آئے تھے اس لیے ابو طالب کے پائے استقلال میں بھی لغزش آگئی اور وہ بھی آپ کو سمجھانے لگے۔ یہ معاملہ دیکھ کر آپ روپڑے اور اپنے چچا سے کہنے لگے ’’چچا جان! اگر ان لوگوں میں اتنی طاقت ہو کہ وہ میرے ایک ہاتھ پر سورج لا کر رکھ دیں اور دوسرے پر چاند لاکر رکھ دیں تب بھی میں اس کام سے باز نہیں آسکتا۔ یا تو یہ کام پورا ہو کے رہے گا یا پھر میری جان بھی اسی راہ میں قربان ہوگی‘‘ بھتیجے کا یہ استقلال دیکھ کر چچا کی بھی ہمت بندھ گئی اور کہنے لگا’’بھتیجے جو کچھ کرنا چاہتے ہو کرتے جاؤ۔ جب تک میں زندہ ہوں تمہاری حمایت پر کمر بستہ رہوں گا‘‘ چنانچہ قریشیوں کا وفد ناکام اٹھ کر چلا گیا۔“

سیدنا عثمانِ غنی :

دورِ جاہلیت بے حیائی اور اخلاقی گراوٹ کا زمانہ تھا، جہاں شرم و حیا کی قدریں معدوم ہو چکی تھیں۔ زنا اور بے حیائی کے کام عام تھے اور ان پر کوئی عار محسوس نہیں کی جاتی تھی۔ لوگ کھلے عام گناہ کرتے اور اسے اپنی ثقافت کا حصہ سمجھتے تھے۔ یہ ایسا دور تھا ، جس میں نکاح کی کئی قسمیں باقاعدہ زنا پر مشتمل تھیں ، لوگ اعلانیہ زنا کرتے اور اس پر فخر کیا کرتے تھے ، ایسے ماحول میں سیدنا عثمان غنی اس ماحول  سے متاثر نہیں ہوئے ، ابوامامہ بن سہل بن حنیف  کہتے ہیں:

سیدنا أبو اُمامہ باھلی :

یہ واقعہ ہمیں بتاتا ہے کہ برے ماحول میں جا کر ان جیسے نہیں بن جانا ، کہ آپ کسی جگہ گئے ہیں اور وہاں لوگ نماز نہیں پڑھتے ، آپ بھی نہ پڑھیں ، لوگ وہاں حرامکاری میں ملوث ہیں ، آپ بھی حرام کاری میں ملوث ہو جائیں ، یہ بات انتہائی غلط ہے ، ہمارا کردار ایسا ہونا چاہئے جیسا سیدنا أبو امامہ باہلی کا تھا ، ان کا کردار دیکھ کر سارے کا سارا قبیلہ مسلمان ہو گیا۔

سیدنا أبو مرثد غنوی :

عبداللہ بن عمرو بن عاص  کہتے ہیں:

مرثد بن ابی مرثد غنوی  ایک سخت اور زور آور آدمی تھے، قیدیوں کو مکہ سے مدینہ منتقل کیا کرتے تھے۔ وہ کہتے ہیں: میں نے ایک شخص کو بلایا کہ اسے سواری پر ساتھ لیتا جاؤں، مکہ میں عناق نامی ایک بدکار عورت تھی جو ان کی آشنا تھی، وہ (گھر سے باہر) نکلی، دیوار کی پرچھائیوں میں میرے وجود کو (یعنی مجھے) دیکھا، بولی:

میں نے کہا:

اس نے کہا:

(یہ سن کر) میں خندمہ (پہاڑ) کی طرف بڑھا (مجھے پکڑنے کے لیے) میری طلب و تلاش میں آٹھ آدمی نکلے اور میرے سر پر آ کھڑے ہوئے، انہوں نے وہاں پیشاب کیا جس کے چھینٹے مجھ پر پڑے (اتنے قریب ہونے کے باوجود وہ مجھے دیکھ نہ سکے کیونکہ) میرے حق میں اللہ نے انہیں اندھا بنا دیا۔ میں (وہاں سے بچ کر) اپنے (قیدی) ساتھی کے پاس آیا اور اسے سواری پر چڑھا کر چل پڑا۔ پھر جب میں اراک پہنچا تو میں نے اس کی بیڑی کھول دی، پھر میں رسول اللہ ﷺ کے پاس حاضر ہوا اور آپ سے کہا: اللہ کے رسول! میں عناق سے شادی کر لوں؟ تو آپ خاموش رہے پھر آیت

نازل ہوئی، پھر (اس کے نزول کے بعد) رسول اللہ ﷺ نے مجھے بلایا، مذکورہ آیت پڑھی پھر فرمایا:”اس سے شادی نہ کرو۔“ [نسائی: 3230 حسنہ الالبانی]

سیدنا أبو مرثد غنوی پر عورت کے بنائے گئے ماحول نے کوئی اثر نہیں کیا بلکہ انہوں نے زنا کرنے سے انکار دیا۔