ایمان کی علامات

❄ صبر و شکر ❄ اللہ پر توکل❄ شرم و حیاء❄ تکلیف دہ چیز کو راستے سے ہٹانا

ذی وقار سامعین!

ایمان ایک قیمتی چیز ہے اور اتنی قیمتی چیز ہے کہ ایمان ہے تو سب کچھ ہے ، اگر ایمان نہیں تو کچھ بھی نہیں ، ایمان میں ایسی قوت اور طاقت ہے کہ اگر انسان ایمان لے آیا ہے اور اس کو کوئی بھی نیک عمل کرنے کا موقع نہیں ملا تو وہ جنتی ہے ، سیدنا انس بن مالک  کہتے ہیں:

اسی طرح سیدنا براءبن عازب  کہتے ہیں:

ان دونوں روایا ت سے ایمان کی قیمت کا پتہ چلتا ہے ، اگر ایمان نہیں تو بڑے بڑے نیکی کے کام بھی اکارت جائیں گے اور تباہ و برباد ہو کر رہ جائیں گے۔ سیدہ عائشہ کہتی ہیں:

ان تمام باتوں سے پتہ چلتا ہے کہ ایمان کے بغیر کوئی عمل بھی قابلِ قبول نہیں ، اس لئے ہمیں اپنا جائزہ لیتے رہنا چاہئے کہ کیا ہم مومن ہیں؟ کیا ہم میں ایمان کی علامات موجود ہیں؟ ایمان کی علامات سے مراد وہ نشانیاں یا آثار ہیں جو کسی شخص کی زندگی میں ایمان کے پختہ ہونے کی علامت ہوتی ہیں۔ یہ علامات انسان کے عقیدہ، عمل اور اخلاق میں ظاہر ہوتی ہیں، جو یہ ظاہر کرتی ہیں کہ وہ واقعی اللہ تعالیٰ، اس کے رسول ﷺ اور اس کے دین پر یقین رکھتا ہے۔ ایمان کی علامات نہ صرف انسان کے دل میں موجود یقین کی نشاندہی کرتی ہیں، بلکہ اس کے عمل، رویے اور طرزِ زندگی سے بھی ظاہر ہوتی ہیں۔

آج کے خطبہ جمعہ میں ہم ایمان کی چند علامات سمجھیں گے۔

1۔ اللہ تعالیٰ سے محبت:

ایمان کی سب سے پہلی علامت یہ ہے سب سے زیادہ محبت اللہ تعالیٰ سے کی جائے ، اللہ تعالیٰ فرماتے ہیں:

سیدنا انس بیان کرتے ہیں کہ نبی اکرمﷺنے فرمایا:

سیدنا انس بیان کرتے ہیں:

2۔  رسول اللہﷺسے محبت:

ایمان کی دوسری علامت یہ ہے کہ ایک مومن اور مسلمان کو اللہ تعالیٰ کے بعد سب سے زیادہ محبت محمد رسول اللہﷺسے ہو ، اللہ تعالیٰ فرماتےہیں:

 سیدنا انس سے روایت ہے کہ آنحضرتﷺنے فرمایا:

     نبی کریمﷺسیدنا عمر کا ہاتھ پکڑے چل رہے تھے تو سیدنا عمر فاروق نے کہا:

تو نبی ﷺ نے فرمایا:

جب کفارِ مکہ نے سیدنا خبیب بن عدی کو سولی پر چڑھایا اور تیر برسانے لگے تو کسی نے آواز لگائی: ”خبیب! اب تو دل کرتا ہو گا کہ کاش میری جگہ محمد (ﷺ) ہوتا!“ خبیب نے جواب دیا : ”عظمتوں والے رب کی قسم! مجھے تو یہ بھی پسند نہیں کہ مجھے چبھنے والا کوئی کانٹا انہیں چبھ جائے۔“ [المعجم الكبير للطبراني : ٥٢٨٤، والقصة رواها البخاري]

3۔ صحابہ کرام  سے محبت:

ایمان کی تیسری علامت یہ ہے کہ صحابہ کرام سے سچی محبت و عقیدت ہو ، نبیﷺنے فرمایا:

اس لئے جو شخص صحابہ کرام کو نعوذ باللہ مرتد کہتا ہے ، یا اسے ان کےایمان میں  شک ہے تو بذتِ خودوہ شخص مومن نہیں ہے ، کیونکہ قرآن مجید میں اللہ تعالیٰ نے جگہ جگہ پر ان کے ایمان کو بیان کیا ہے اور ان کے ایمان کو معیار اور کسوٹی بنایا ہے ، اللہ تعالیٰ فرماتے ہیں:

دوسری جگہ فرمایا:

اور نبی اکرمﷺنے فرمایا:

4۔ نماز کی ادائیگی:

ایمان کی چوتھی علامت عبادت گزار ہونا ہے ، عبادات میں سے اہم ترین عبادت نماز کی ادائیگی ہے، اللہ تعالیٰ نے  اپنے پاک کلام میں کامیاب مومنوں کا تذکرہ کرتے ہوئے فرمایا:

سیدنا جابر کہتے ہیں کہ رسول اللہﷺنے فرمایا:

5۔ حقوق العباد کی ادائیگی:

ایمان کی پانچویں علامت یہ ہے کہ حقوق اللہ کے ساتھ ساتھ حقوق العباد کی بھی ادائیگی کی جائے ، نبی مکرمﷺفرماتے ہیں:

اس حدیث سے پتہ چلتا ہے کہ حقوق العباد کتنے ضروری اور اہم ہیں ، ”حقوق العباد“ سے مراد وہ حقوق ہیں جو انسانوں پر ایک دوسرے کے لئے واجب ہیں، یعنی وہ حقوق جو کسی شخص کی حیثیت میں دوسرے انسانوں کے ساتھ تعلقات کی بنا پر ان پر فرض ہیں۔ ان میں وہ تمام اخلاقی، قانونی اور معاشرتی حقوق شامل ہیں جو انسانوں کو ایک دوسرے کے ساتھ انصاف، عزت اور حسن سلوک کے ساتھ پیش آنا چاہیے۔

جو شخص ان حقوق کا خیال نہیں رکھتا وہ حقیقی اور کامل مومن نہیں ہے اور ایسے شخص کی نجات کل قیامت والےدن ممکن نہیں۔ سیدنا ابوہریرہ   کہتے ہیں کہ رسول اللہﷺنے فرمایا:

جہنم میں جانے کا ایک سبب حقوق العباد کا خیال نہ رکھنا ہے ، اللہ تعالیٰ فرماتے ہیں:

6۔ شرم و حیاء:

ایمان کی چھٹی علامت شرم و حیاء ہے ، سیدنا ابوہریرہ   کہتے ہیں کہ رسول اللہﷺنے فرمایا:

سیدنا ابوہریرہ   کہتے ہیں کہ رسول اللہﷺنے فرمایا:

یہ شرم و حیا ایک فطری چیز ہے جو ہر مرد و عورت کے لیے ضروری ہے قرآن مجید میں بھی شرم کا تذکر و متعدد جگہ آیا ہے اور اس کی مدح سرائی کی گئی ہے حضرت موسی   کو مدین کے سفر میں دو لڑکیوں سے سابقہ پڑا تھا وہ اگرچہ بدویا نہ زندگی بسر کرنے کی عادی تھیں تاہم ان میں یہ وصف نمایاں تھا کہ خدا نے اس کا ذکر کیا ہے کہ ان کی عادت یہ تھی کہ جب تک تمام لوگ اپنے اپنے مویشیوں کو پانی پلا کر پلٹ نہ جاتے وہ اپنے مویشیوں کو پانی نہیں پلاتی تھیں۔ تاکہ مردوں کی کشمکش اور اس کے اختلاط سے الگ رہیں اور جب ان کے باپ نے ان میں سے ایک کو موسی   کے بلانے کے لیے بھیجا۔

7۔ صبر و شکر:

ایمان کی ساتویں علامت صبر و شکر ہے ، سیدنا صہیب کہتے ہیں کہ رسول اللہﷺنے فرمایا:

پتہ چلا کہ حقیقی مومن اور مسلمان کی ایک علامت یہ ہے کہ وہ تکلیف پر صبر کرتا ہے اور خوشی میں شکر بجا لاتا ہے ، اللہ تعالیٰ نے کامیاب لوگوں کا تذکرہ کرتے ہوئے فرمایا:

اسی لئے اللہ تعالیٰ نے مومنوں کو صبر کرنے کا حکم دیا ہے:

8۔ اللہ کا ذکر سن کر دل کا ڈر جانا:

ایمان کی آٹھویں علامت ذکرِ الٰہی سن کر دل کا ڈرنا ہے ، اللہ تعالیٰ فرماتے ہیں:

یعنی جب مومن اللہ کا ذکر سنتے ہیں تو ان کے دلوں میں خشیت اور خوف پیدا ہوتا ہے۔ یہ خوف محبت، احترام اور اللہ کی عظمت کا احساس ہے، جو ایمان کا ایک اہم حصہ ہے۔

9۔ اللہ پر توکل:

ایمان کی نویں علامت اللہ پر توکل اور بھروسہ کرنا ہے ، اللہ تعالیٰ فرماتے ہیں:

اللہ پر توکل اور بھروسہ کیسا ہونا چاہئے؟ صرف ایک مثال ملاحظہ فرمائیں:

ہجرت کرتے وقت جب مکہ سے نکل کر آپﷺ نے حضرت ابوبکر  کے ساتھ غارثور میں پناہ لی۔ قریش میں خون آشامی کے ساتھ اب اپنی ناکامی کا غصہ بھی تھا۔ اور اس لئے اس وقت ان کے انتقام کے جذبات میں غیر معمولی تلاطم ہو گیا۔ وہ آپ کے تعاقب میں نشان قدم کو دیکھتے ہوئے ٹھیک اس غار کے پاس پہنچ گئے۔ کون کہہ سکتا ہے کہ اس پر خطر حالت میں کسی کے حواس بحال رہ سکتے ہیں۔ چنانچہ حضرت ابوبکر  نے گھبرا کر عرض کی:

لیکن آپﷺ نے روحانیت کی پر سکون آواز میں فرمایا:

جیسا کہ قرآن مجید میں ہے:

سینہ نبوت کے سوا اس روحانی سکون کا جلوہ اور کہاں نظر آسکتا ہے۔ قریش کے اس اعلان کے بعد جو محمدﷺ کو زندہ یا ان کا سرکاٹ کر لائے گا اُس کو سو اونٹ ملیں گے۔ سراقہ بن جعشم نے آپ ﷺ کا تعاقب کیا اور اس قدر قریب پہنچ گیا کہ وہ آپﷺ کو پا سکتا تھا۔ حضرت ابوبکر  بار بار گھبرا کر ادھر دیکھ رہے تھے۔ لیکن ایک دفعہ بھی آپ ﷺ نے مڑ کر نہیں دیکھا کہ سراقہ کس ارادہ سے آ رہا ہے۔ یہاں دل پر وہی سکینیت ربانی طاری تھی اور لب ہائے مبارک تلاوت قرآن مصروف تھے۔ [صحیح بخاری: 3906]

10۔ تکلیف دہ چیز کو راستے سے ہٹانا:

ایمان کی دسویں علامت تکلیف دہ چیز کو راستے سے ہٹانا ہے ، سیدنا ابوہریرہ   کہتے ہیں کہ رسول اللہﷺنے فرمایا:

اوریہ ایسی نیکی ہے جس کی وجہ سے اللہ تعالیٰ جنت کا داخلہ دے دیتے ہیں، سیدنا ابوہریرہ   کہتے ہیں کہ رسول اللہﷺنے فرمایا: