رمضان المبارک کے آخری عشرے میں اللہ تعالیٰ کی رحمت اور مغفرت اپنے عروج پر ہوتی ہے۔ یہ وہ بابرکت ایام ہیں جن میں رسولِ اکرم ﷺ عبادت میں زیادہ محنت فرماتے اور راتوں کو بیدار رہ کر عبادت کیا کرتے تھے۔ آخری عشرہ مغفرت، نجات اور قربِ الٰہی حاصل کرنے کا سنہری موقع ہے۔ان دنوں میں قرآن کی تلاوت، کثرت سے استغفار، نوافل، ذکرِ الٰہی، صدقہ و خیرات، اور سب سے بڑھ کر لیلۃ القدر کی تلاش مؤمن کے لیے بے پناہ اجر و ثواب کا ذریعہ بنتی ہے۔جو بندہ ان ایام میں دل سے رجوع الی اللہ کرے، اس کے گناہ معاف کر دیے جاتے ہیں اور اس کی دعائیں قبول ہوتی ہیں۔لہٰذا ہمیں چاہیے کہ رمضان کے آخری عشرے کو غفلت میں نہ گزاریں بلکہ عبادت، توبہ، دعا اور نیکیوں میں اپنے آپ کو مشغول رکھیں تاکہ ہم ان بابرکت راتوں کے فیض سے محروم نہ رہ جائیں۔