وَلَا تَقْرَبُوا مَالَ الْيَتِيمِ إِلَّا بِالَّتِي هِيَ أَحْسَنُ حَتَّى يَبْلُغَ أَشُدَّهُ وَأَوْفُوا بِالْعَهْدِ إِنَّ الْعَهْدَ كَانَ مَسْئُولًا (بنی اسرائیل : (34) اور یتیم کے مال کے قریب نہ جاؤ ، مگر اس طریقے سے جو سب سے اچھا ہو، یہاں تک کہ وہ اپنی جوانی کو پہنچ جائے اور عہد کو پورا کرو، بے شک عہد کا سوال ہوگا۔“ ایفائے عہد یعنی عہد کو پورا کرنا ، وعدے کی تکمیل اور قول و قرار پر قائم رہنا اسلامی تعلیمات کا امتیاز اور بندہ مومن کی شناخت ہیں۔ ہر سطح اور ہر مقام پر راست گوئی ، دیانت و امانت اور ایفائے عہد اسلام کے نزدیک انسان کی سیرت و کردار میں مطلوب ہیں ۔ حقیقت بھی یہ ہے کہ دنیا کی کوئی سوسائٹی اور کوئی انسانی معاشرہ اس وقت تک ترقی نہیں کر سکتا ، جب تک اس کے نزد یک وعدے کی تکمیل اور ایفائے عہد کو بنیادی مقام حاصل نہ ہو۔ ” ایفائے عہد گو یا معاشرے کے استحکام اور اس کے قیام کی یقینی ضمانت ہے۔

اچھی اور بری صحبت کی مثال اچھی اور بری صحبت اور اس کے انسانی زندگی پر اثرات سید نا ابو موسیٰ اشعری رضی اللہ سے روایت ہے کہ رسول اللہ صلی الہ ہم نے فرمایا : مثل الجليس الصَّالِحِ وَالسَّوْءِ ، كَحَامِلِ المِسْكِ وَنَافِخِ الكِيرِ، فَحَامِلُ الْمِسْكِ : إِمَّا أَنْ يُحْذِيَكَ، وَإِمَّا أَنْ تَبْتَاعَ مِنْهُ، وَإِمَّا أَنْ تَجِدَ مِنْهُ رِيحًا طَيِّبَةً، وَنَافِخُ الكِيرِ: إِمَّا أَنْ يُحْرِقَ ثِيَابَكَ، وَإِمَّا أَنْ تَجِدَ رِيحًا خَبِيثَةً نیک اور برے ہم نشین کی مثال کستوری رکھنے والے اور بھٹی دھونکنے والے کی ہے، کستوری رکھنے والا یا تو تجھے عطیہ دے دے گا ، یا تو اس سے خرید لے گا، یا اس سے عمدہ خوشبو پاتا رہے گا اور بھٹی دھونکنے والا یا تو تیرے کپڑے جلا دے گا ، یا تو اس سے گندی بو پاتا رہے گا ۔“ صحيح البخاري : 5534، صحیح مسلم : 2628

اللہ کے لیے محبت ؛ ایمان کی علامت سیدنا ابو ہریرہ بنی اللہ سے مروی ہے کہ رسول اللہ صلی الم نے فرمایا : وَالَّذِي نَفْسِي بِيَدِهِ لَا تَدْخُلُونَ الْجَنَّةَ حَتَّى تُؤْمِنُوا، وَلَا تُؤْمِنُوا حَتَّى تَحَابُّوا، أَوَلَا أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ؟ أَفْشُوا السَّلَامَ بَيْنَكُمْ اس ذات کی قسم جس کے ہاتھ میں میری جان ہے ! تم تب تک جنت میں داخل نہیں ہو سکتے جب تک کہ تم ایمان والے نہ بن جاؤ اور تم تب تک ایمان والے نہیں بن سکتے جب تک کہ آپس میں محبت نہ کرنے لگ جاؤ، کیا میں تمہیں ایسی چیز نہ بتلاؤں کہ جب تم وہ کرو گے تو آپس میں محبت کرنے لگ جاؤ گے؟ ( وہ یہ ہے کہ ) اپنے درمیان سلام کو خوب عام کرو۔ صحیح مسلم : 54، سنن ابی داود : 5193، سنن الترمذی : 2688، سنن ابن ماجه : 68